دوالي على ماجي
انا مقاديري لشخصين لهيك كمية الدوالي يللي عملتها اقل من نص كيلو بس راح اكتب المقدار نص كيلو
دوالي على ماجي
انا مقاديري لشخصين لهيك كمية الدوالي يللي عملتها اقل من نص كيلو بس راح اكتب المقدار نص كيلو
الخطوات
- 1
ننقع الرز بمي سخنه لمده عشر دقائق ونسخن مي على الغاز وبس المي تغلي بنحط الدوالي فيها لمده خمس او عشر دقائق لحد ما يتغير لونها ويصير غامق وتحسيها صارت طريه
- 2
بنصفي الارز من المي تاعته وبنغسله منيح بالمصفاي وبنحط الملح و البهارات المذكوره أعلاه على الرز وبنحط النعنع وبنكون فارمين راس بصل صغير فرم ناعم و3 سنون تومه برضو بنحطهن عليه وبنحركهن
- 3
بنطلع الدوالي من المي وبنصفيه وبنبلش نلفه وبس نخلص لف كل حبه بنعصرها شوي بايدنا حتى تطلع ميتها وبنكون مشرحين البطاطا والبندوره دوائر وحاطينهن بالطنجره يللي راح نطبخ الدوالي فيها وبنصف الدوالي فوق البندوره والبطاطا وهيك لحد ما نخلص لف الدواليات كلهن
- 4
بنغمر الدوالي بشوية مي وبنفتفت قرصين ماجي فوقهن وبنحطهن بالضغط وبنضغطهن لمده نص ساعه
- 5
وبعد نص ساعه من الضغط بنشوف الدوالي اذا مستوي ولاا لأ واذا كان مستوي بنحط قدر نص كاسة شاي زيت زيتون على الوجه وبنعصر ليمونه وبنشغل الغاز تحتهن على الواااطي وبنخليهن خمس دقايق وبنطفي تحته حتى يعطي طعم طيب
- 6
وصحتين وعافيه
- 7
طبعا انا هون نقلت الدوالي على طنجره تيفال صغيره لانه طنجرة الضغط كبيره ومش مستاهله يضلل الدوالي فيها لانه كميته قليله 😊👍
وصفات مشابهة
وصفات ننصحك بمشاهدتها
التعليقات