محاشي مشكلة بدون لحمه بطريقتي ولا اطيب 😋
فاتن مصطفى @cook_11959092
محاشي مشكلة بدون لحمه بطريقتي ولا اطيب 😋
الخطوات
- 1
بنحفر الخضرة واذا بدنا بنضيف حبة بندورة وبطاطا وبصل حسب الرغبه انا بحب احشي فليفله وبنغسلن بمي وملح ونعنع
- 2
بنقص ورق الملفوف مربعات ونحطو بمي عم تغلي دقيقتين ومنطالعون بس يدبل شوي وورق السلق كمان بنقطعو مربعات وبنحطو بمي سخنه وبنطالعو فورن
- 3
بنكون محضرين الحشوة بنغسل الرز وبنحطلو كاست زيت وملعقتين دبس بندورة كبيرة ونفرم البندورة والتوم والبقدونس ومكعبين ماجي وحبة فليفله وبنضيف معلقة دبس رمان والملح والبهارات واليمون حسب الرغبه انا بحبو حامض كتير بنحشي وبنصفن بطنجرة وبنحط مي سخنه مع ملح وبهارات وملح ليمون
- 4
ومنحط فوقن صحن تقيل او صحن و طنجرة فيا مي بالصحن وعالغاز ساعه وعشر دقايق لحتا تنشف المي ويستوو منيح وماننسى نحط بسفل الطنجرة شرايح بطاطا وبصل وبندورة وتوم مشان الطعمه ومشان مايلزق بالطنجرة
- 5
وصحتين وهنا
وصفات مشابهة
وصفات ننصحك بمشاهدتها
https://cookpad.wasmer.app/jo/%D9%88%D8%B5%D9%81%D8%A7%D8%AA/4573535
التعليقات