الخطوات
- 1
اول شي بطنجرة المفتول منحط ماء ومنحط المفتول بالمصفاة الي فوق ومنغطيه بقماشة ومنتركه ساعة الا ربع
- 2
بعدين منرشو كاسة ماء وبصلة مفرومة ناعمة مخلوطة برشة يانسون ورشة كراويه ورشة شمر ومنحركو ومنتركه ساعة الا ربع تانيين مع تحريكه كل ربع ساعة
- 3
منسلق الدجاج نصف سلقة بعدها منضيفلو البصل والبندورة والحمص الحب
- 4
منتركهم ربع ساعة منضيفلهم ملح ومعلقة كراويه ورشة بهار مشكل ورشة قرفة مطحونة ومنتركهم لحد ما يستوا
- 5
المفتول بس يجهز منحطو بجاط كبير منضيغلو كاسة زيت زيتون ومعلقة كبيرة كراوية ونصف ملعقة شمر مطحون ونصف ملعقة يانسون مطحون ورشة ملح ومنخلطهم سوى ومنسكبو بصينية ومنحط عليه الدجاج وشوي من الصوص وجنبه صحون صوص، ويقدم بالهنا
- 6
الاكلة بدها وقت وخطوات بس بالنهاية اكلة كتير زاكية وانا هون عاملها على اصولها وبهار الستات الكبار يعني شي خرافي
- 7
ملاحظة: في ناس بتسلق الدجاج سلقة كاملة وبتشيلو من المرق بتحمرو بعدين بتحط البصل والبندورة والحمص يستوا بالمرق لحالهم، أنا بفضل الدجاج بهاي الطريقة الي عملتها هون لان بياد طعم الكراوية والبندورة والبصل بطلع كتير طيب، وصحة وهنا
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (19)