مفتول بالدجاج مع يخنة الحمص والبصل
الخطوات
- 1
نسلق الجاج وبنحط بهارات صحيحة على الجاج (بصل وفلفل اسود حب وعودين قرفة وهيل وقرنفل 5 حبات وورق غار ولومي وكمون) وبس يستوي الجاج بناخد مرقة الجاج وبنصفيها من البهارات، وبنحطها على جنب
- 2
بنجيب المفتول بنحط عليه التتبيلة التاليه: 3 معالق زيت زيتون ومعلقة سمنه دايبة وفلفل اسود وملح وكمون ورشة قرفة صغيرة وبنخلط المفتول فيهن بالشوكة مشان مايعجن المفتول
- 3
بنجيب مصفايه ستانلس وبنحط فيها المفتولات بعد متبلناهن وبنعمل دفنه المفتول وهي عبارة عن طبقة بصل مبشور ناعم جدا بصلة وحدة ومكعب ماجي دايب وكمون وفلفل اسود وزيت زيتون
- 4
\بنحط هاي الدفنه جوات المفتول بنعمل حفرة بالمفتول وبنسقط هاي الدفنه وبنسكر عليها بالمفتول الباقي بنغلف المصفاية بالقصدير من فوق بس وبنحطها على طنجرة مرقة الجاج الي بتكون عم تغلي وبنتركها على النار لمدة نص ساعة تقريبا ليستوي المفتول على بخار مرقة الجاج
- 5
وكل 10 دقايق تقريبا بنحرك المفتول بالشوكة بشوي شوي وممكن نضيف شوية مرقة جاج فوق المفتول لحتى يتشرب المرقة وياخد طعمة ويستوي وبنتركو مقصدر لحتى يستوي وبنقدمو وممكن نزينو بقطع الطماطم الشيري وصحة وهنا
- 6
طريقة يخنة الحمص مع البصل: بنجيب بصلتين حجم وسط وبنقطعهم شرائح وبنقليهن مع زيت زيتون ومعلقة صغيرة سمنه او زبده وبس يدبل بنحط الحمص الحب المسلوق من اول وبنضيف رشة ملح وفلفل اسود وكمون وبنحرك على النار لمدة 5 دقايق وبنحط مرقة وبنتركها تغلي وتتسبك مع البصل والحمص وبنضيف مكعب ماجي لو حبيتو وبنتركها 5 دقايق تتسبك وصحة وهنا
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
المفتول بيخنة الخضار مع الدجاج المقلي🍗 المفتول بيخنة الخضار مع الدجاج المقلي🍗
# مفتول # خضار # يخنة
-
يخنة السبانخ مع الحمص والدجاج يخنة السبانخ مع الحمص والدجاج
#لعبة_كوكباد_2022دائما بطبخ السبانخ بالطريقه التقليديه ولا مره فكرت اضيف معها الحمص اليوم حبيت اجرب وصفه الاخت الغاليه دلال @cook_6678321 وكتير حبيتها طعمتها طيبه تسلم ايدك حبيبتي 💯👌🏽
-
الدجاج المشوي مع البصل والفطر الدجاج المشوي مع البصل والفطر
الكميات تقدرو تزيدوها والدجاج إذا زودتو القطع زيدو كميه البهارات
-
وصفات ننصحك بمشاهدتها
التعليقات (26)