نسلق الدجاج بنحط غمرتو ماء وبنحطو على النار وبس تطلع الرغوة بنشيلها بنحط عليها بصل وبهارات خشنة مشكلة (مطيبات) ورشة ملح وبنتركهم لحين الاستواء

بنقشر البصل وبنفرموا جوانح وبنحطو بالطنجرة وبنحط عليه الزيت ومعلقة الملح وبنحطهم على النار لحين استواء البصل

بس يستوي الدجاج بنشيلو وبنحطو بطنجرة الزيت والبصل وبنحط عليهم كاسة مرق الدجاج بعد ما انصفيه من المطيبات وبنتركهم على النار ٥ دقائق وبس يستوي بنشيل الدجاج بنحطو على جنب وبنخلي الزيت والبصل بالطنجرة

بنجيب خبز المسخن وبنقطعو مثلثات كل رغيف ٤ قطع وبنصير نغمسها بالزيت وبنحطهم بصينية الشوي كل رغيف طبقة يعني كل ٤ قطع بجنب بعض وبنجيب الكفكير وبنصير نشيل البصل وبنحطو على الخبز وبنرش عليه سماق وهيك لحتى يخلصو الخبزات (بتشكل عنا بالصينية طبقات خبز فوق بعض) واخر طبقة بنحط عليها الدجاج

بنشوي المسخن من تحت بالفرن وبنحمر وجهو على الشواي

صحتين وهنا