نغسل الرز ومننقعه لمدة نص ساعة

منسيح السمنه بطنجره تيفال ومنضيف اللحمة ومنقلبها حتى تنشف ميتها منضيف البازيلا والجزر المقطع ومنحركهم على نار هاديه ربع ساعة منضيف الملح والفلفل الاسود

منشيل تقريبا ربع كمية الخليط ومنحطه على جنب لنزين فيه

منسخن ماء كل كاسة رز قصير بدها كاس ونص ماء.منحط الماء فوق البازيلا والجزر واللحمه ومنضيف بهارات الماجي ومنزبط ملوحة الاكل بهي المرحله ومنخليها تغلي شي ربع ساعة ومنضيف الرز ومنغطي الطنجره منخلي النار قويه عشر دقائق وبعدها منهدي حتى تتفتح.حبات الرز و تتفلفل

بس تستوي مندير الرز مع البازيلا بمنسف التقديم.ومنزينه بالخليط الى شلناه اول مع المكسرات الى موجوده.عندكم

قدموها مع لبن او خيار بلبن او سلطه.كتير طيبي جربوها وادعولي ارجع شوف اهلي مره تانيه