ضعي جميع مكونات العجينة بوعاء واعجينيهم مع بعض منيح واتركيها ترتاح نصف ساعة.

بعد ما تختمر افرديها على سطح مرشوش طحين بالشوبك وقطعيها باستخدام القطاعة الدائرية وفي حال ما كانت متوفرة عندك استخدمي فنجان القهوة.

ضعي القطع بصواني مرشوشة طحين واتركيها تختمر ربع ساعة.

بزيت غزير اقلي القطع وبعد ما تطلعيهم من الزيت حطيهم بالقطر.

طريقة القطر: بطنجرة حطي السكر والماء وماء الورد على الغاز لحتى يذوب ويبلش يغلي بتضيفي عليه عصرة الليمون وبتخليه يغلي حوالي الخمس دقائق وبعدها بتطفي.

بعد ما تطلعيهم من القطر رتبيهم بصحن مفرود وزينيهم بالفستق الحلبي، وبالعافية.

ملاحظة: للناس اللي ما بتحب القطر كتير بتقدري تزينيها بالحليب المكثف ورشة قرفة كتير طيبة كمان.