بنقطع الفراخ قطع صغيرة وبعدين بنتبل الفراخ بالزبادي و التوابل كلها ونسيبها في الثلاجة من بالليل و وقت السوا بنحط نقطتين زيت في طاسة وندي للفراخ صدمة ونفضل نقلبها شوية ونحط عليها بصلة متوسطة متقطعه رفيع خالص ونقلبهم شوية لحد م تستوي

بنسلق المعكرونة في ماء وشوية ملح لحد قبل م تستوي ونصفيها ونحط عليها ماء ساقعه ونسيبها

الصوص : بنحط ٥ ملعقة سمنة وزيت وبعدين نحط الدقيق ونشوحه مع الثوم وبعدين نحط اللبن ونفضل نقلب بالمضرب السلك لحد م يغلي ونحط الملح والفلفل ومرقة الدجاج

بنحط شوية صوص على المعكرونة و الفراخ ونقلبهم مع بعض كويس ونحطهم في الطواجن ونجيب بقيت الصوص ونحطه على الوجه

نحطهم في فرن سخن ١٨٠ درجة وبعد حوالي ربع ساعة بنطلعها ونحط على الوجه جبنة موتزاريلا ونسيبهم ربع ساعة كمان وبعدين نشغل الشواية لحد م تأخذ لون للوجه.