نسلق اللحمة مع ورق لورا وفلفل وحبهان ومستكة لحد ما تستوي ثلث تربع سوى

نكون مجهزين البطاطس ومتقطعه مكعبات لما تستوي اللحمة ثلث تربع سوى نحط البطاطس معاها في الشوربة

اللحمة هتكمل السوا مع البطاطس

لما البطاطس تدخل في السوا نجهز الثوم والسلق

هنحط طاسة على النار وفيها شوية زيت ونحط عليه ملعقة ثوم مفروم كبيرة لحد ما تأخذ اللون الأصفر الفاتح نحط عليها معلقتين سلق يكون جاهز أنا بفرزة (بحمره وافرمه في الكبة ويكون جاهز عندي باستمرار في الفريز)

هنقلب السلق مع الثوم على نار هادئة يا دوب السلق يفك في الثوم وتنزل بيه على الشوربة اللي فيها اللحمة والبطاطس ونسيبها تغلي غلوتين

كدا البطاطس بالسلق جاهزة الليمون نحطه للشوربة وقت التقديم في الأطباق مش نحطه في الحلة كلها نحط الليمون على الشوربة وهيه متقدمة في الأطباق وبالف هنا وشفا