اول حاجه عملت العصاج جبت طاسه ونزلت فيها بمعلقه سمن والبصل المفروم لحد مالونه بقي ذهبي نزلت باللحم وشوحتهم مع بعض وبعدين الفلفل الرومي والحار والملح والفلفل الاسمر

عشر دقائق استوي العصاج وطفيت عليه وتركته على جنب لحد مااعمل صينيه الرقاق

جبت شوربه لحم او فراخ مغليه وحطيتها في صينيه واسعه ونزلت باول رقاق في الشوربه كنت داهنه الصينيه سمن وحطيت اول طبقه رقاق ومسحت بالفرشه اللي فيها سمن عليها وتاني طبقه هكذا ثم الثالثه وبعدين العصاج وكملت بقيت الطبقات نفس الحكايه

قطعتها مربعات وجبت كوب لبن وضربت بيضه فيه وملح وفلفل اسمر ورشيتها كلها على الرقاق تركته خمس دقائق ودخلته الفرن اول مالجوانب لونها احمر طفيت وولعت الشوايه