نجيب روبو أو نرحي الباكي تاع القاطو أو نضيف المارغرين تكون ذائبة أو باردة اونخلط حتى نتحصل على خليط يكون مرمل

نضعه في بلاطو ان نسكمو مليح أو ندرك عليه بالمغرف باه يتعدل السطح نديرو فالثلاجة باه يشد روحو

نجيب كسرونة اندير السكر يدوب على نار قليلة حتى يولي كرامال

انجيب زوج كيسان حليب نزيدهم على الكرمال غير بشوية أو نحرك حتى يذوب الكرمال

أو من جهة انجيب ربع كاس حليب ندير فيه المايزينة أو نحلها مليح كيغلي الخليط نزيدو أو نحرك حتى يثقال الخليط

نجيب الطبقة الاولى أو نفرغ عليها الخليط الثاني انسوي السطح أو نديروها تبرد اشوي

نطلع كريم شونتي كاس حليب و لا ماء يكون بارد أمع كاس شونتي حتى تولي كريمة نضعها على الطبقة الثانية أو نسوي السطح

انزينها بخطوط من الشوكولا أو ندير خطوط بواسطة عود خشبي ولا موس او نحطها تبرد فالثلاجة

انا ستعمل مقادير قليلة على حساب العائلة تاعي تقدري تضاعفي المقادير