شواط وادي سوف 😋😋👌👌👌
#اكلات_وادي_سوف الشواط السوفي من بعض المأكولات السوفية لي نموووت عليها هاااايل مكانش لي يذوقو و ما يعجبوش كنت ديما نتغدا عليه انا وصحباتي في لجامعة سعات منشبعوش و نزيدو و مع لقازووووز و لحروووور يا بويا يابويا وذنيك تصفر ههههه 😋😋😋😋 اشهر الوجبات السريعة لي تتباع لبرا و مع جات كرونا هاذي ربي يهنينا منها قولو امين قلنا ندروها في الدار و انا عندي مشكل مع المخبوزات هاذو ما ننجحش فيهم لمرة لوحيدة درت شواط في الدار كنت في سيام عمري 14 ولا 15 خليت ماما مكانش في الدار درت روحي قافزة زعمى و عجنت و كلش طيبتو و خرجلي قاسي حجرة ناس تحطو تحت طرشونة و مع ساشي انا قعدت نتفرج فيه و نبكي😭 لحماس تع ندير شواط كل راح حطيت لحشو في طبسي و حكمنا شواط هذاك لقاسي قرمشناه و نهزو لحشو بلمغرف ههههه و مع تعليقات خاوتي حلفت لا نزيد نقرب نديرو ، لكوزينة منقربلهاش و زادو قالو لماما شبعو ضحك عليا 😢😢😢 و ليوم نخدم فيه و ندعي و نقرا في لقران باه يخرجلي لخبز تاعو مليح و ماما غير تضحك عليا و نا غير ندعي بسك كامل تشهاوه و ماما تقلي دريه نتي انا منديرش و راحت خرجت و خلاتني نتخابط معاه هههههههه و لحمد لله نجحت فيه و حبيت نشاركم فيه و هاذي لقناة لي هزيت من عندها لخبز قناة شهيوات سناء السوفية .
شواط وادي سوف 😋😋👌👌👌
#اكلات_وادي_سوف الشواط السوفي من بعض المأكولات السوفية لي نموووت عليها هاااايل مكانش لي يذوقو و ما يعجبوش كنت ديما نتغدا عليه انا وصحباتي في لجامعة سعات منشبعوش و نزيدو و مع لقازووووز و لحروووور يا بويا يابويا وذنيك تصفر ههههه 😋😋😋😋 اشهر الوجبات السريعة لي تتباع لبرا و مع جات كرونا هاذي ربي يهنينا منها قولو امين قلنا ندروها في الدار و انا عندي مشكل مع المخبوزات هاذو ما ننجحش فيهم لمرة لوحيدة درت شواط في الدار كنت في سيام عمري 14 ولا 15 خليت ماما مكانش في الدار درت روحي قافزة زعمى و عجنت و كلش طيبتو و خرجلي قاسي حجرة ناس تحطو تحت طرشونة و مع ساشي انا قعدت نتفرج فيه و نبكي😭 لحماس تع ندير شواط كل راح حطيت لحشو في طبسي و حكمنا شواط هذاك لقاسي قرمشناه و نهزو لحشو بلمغرف ههههه و مع تعليقات خاوتي حلفت لا نزيد نقرب نديرو ، لكوزينة منقربلهاش و زادو قالو لماما شبعو ضحك عليا 😢😢😢 و ليوم نخدم فيه و ندعي و نقرا في لقران باه يخرجلي لخبز تاعو مليح و ماما غير تضحك عليا و نا غير ندعي بسك كامل تشهاوه و ماما تقلي دريه نتي انا منديرش و راحت خرجت و خلاتني نتخابط معاه هههههههه و لحمد لله نجحت فيه و حبيت نشاركم فيه و هاذي لقناة لي هزيت من عندها لخبز قناة شهيوات سناء السوفية .
الخطوات
- 1
نحضر لعجينة اولا نحط في لبيترا تاعنا لفرينة و سميد بعد ما غربلناهم مع كل المكونات عدا الحليب و الماء نخلطهم بيدي مبعد نضيف لحليب و نخلط من بعد نحطهم يتعجنو و نضيف لماء بشوي حتى نتحصل على عجينة طرية و نخليها تختمر و كي تختمر نهبطها و نعاود نخليها تختمر مرة ثانية.
- 2
كي تختمر للمرة ثانية نهزها و نبدأ ندير قرصات انا درت و خلاص خرجت 11 حبة نطرح لقرصة تاعي شوية قيس ما يكون عرضها 1cm مبعد نحطها في صحن فيه سميد و نغمسها من الجهتين و نحطها تختمر شوي كي نكمل نعمر بلاطو تاعي يكونو خمرو ندخلهم للفرن درجة 200 او 250 المهم درجة عالية كي طيب من تحت نشعللها من فوق
- 3
لخبزة تاع شواط متكونش هذيك لمنفوخة كيما اي مثل تاع لبطبوط لخبزة تاعها يكون فيها لب داخل كي يطيبو لخبزات تاعك خريجهم و ديراكت حطيها تحت طرشونا و غطيها مليحة باه ترطب.
- 4
بالنسبة للحشو نقطع لبصل تاعي و لفلفل قطع صغيرة و نحطهم يتقلاو شوي مع زيت كي يتقلاو شوي نضيف اللحم المفروم مع لملح و فلفل احمر و طماطم مقطعة مربعات و نخليهم يتقلاو و روح نقشر لبطاطا و لجزر و نقطعهم مربعات و نقليهم كي يطيبو نحطهم كل مع بعض و نخلط و نزيدلهم دبشة (كزبرة).
- 5
مبعد كي يحضرو كامل نجيب لخبزة تاعي نحلها مشي كامل كيما اي مثل الهمبرغر نحلها غير شوي و نمسحها بلهريسة و نحشوها مبعد نضيفلها المايونيز. و ان شاء الله تنال اعجابكم جربوها متندموش سيرتو ولادكم حا يحبوها بزاف 😍😍😍
- 6
من اسرار نجاح الخبز : اضافة الحليب و الخل بش يكون هش نخلوها تختمر مرتين كي طيب نغطوها بطرشونة باه يرطاب.
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
حوت في لكوشة من ايادي جزائرية 👌👌 حوت في لكوشة من ايادي جزائرية 👌👌
..... من الظلم ان تقيس حظك بعدد الاشياء الجميلة التي لم تحصل عليها دون النظر للاشياء السيئة التي لم تصبك كن منصفا حتى مع نفسك كي تشعر بالرضا .....
-
-
-
-
بطاطا في الكوشة بطريقتي 😋😋😋 بطاطا في الكوشة بطريقتي 😋😋😋
اذا ضاقت بك الدنيا ☝ و لم تقنع بما تلقى☝☝ تذكر انها تفنى و لا شيء بها يبقى ☝👈 فكم اعطت لناسيها و ذاكرها بها يشقى تراب كل ما فيها و يدنو كلما يرقى 👈 و عمرك مثلما كأس و افعال بها تلقى و كأسك انت مالئها ووحدك من بها يسقى فلا نتظر لفانية و تنسى دارك الابقى 👉👉 💞 الشاعر عماد ابراهيم النابي 💞 -
شواء منزلي 😍 بذوق خارجي😋 شواء منزلي 😍 بذوق خارجي😋
#أسخف_في_دارك😁أحسن من مكانش على كل حال👌😉
-
بطاطا كوشة بالكرام فريش 😋😋😋 بطاطا كوشة بالكرام فريش 😋😋😋
ترتها على طريقتي بالبطاطا مسلوقة تجي هايلة جربوها حبيباتي ما تندموش او ما تاخذش وقت في الفرن 🤗🤗🤗🤗🤗
وصفات ننصحك بمشاهدتها
التعليقات (47)