نخلط الماء والياغورت والخميرة والبيضة والسكر و نحلو مليح و نخليه يخمر

و مبعد نزيد الزيت و نشف بالفرينة و ماننساش الملح و نخليه يريح عشر دقايق

بعدما يريح نديرو كويرات متساوية و ندهنو بصفار بيض نكون زدتلو شوي حليب

في هذه الاثناء نكون خلطت اللحم المفروم مع لاشابلير والفلفل الاسود و الملح و البيضة و الدبشة ونشكل كويرات ايضا

كي يطيب الخبز نخليه يبرد باه نفتحو باه مايتعجنش

ندير كريات اللحم على شكل قرصة ونطيبها في مقلة ماتلصقش

وبعد نجي نحشي الهمبرغر ندير سلاطة و فوقها طماطم ومبعد اللحم ومبعد مربع الجبن ومبعد سلاطة ومن فوق ندير المايونيز و نصكر

وتقدم مع البطاطا المقلية وكاس كوكا وبالصحة والعافية