في إناء نحط السميد الفرينة الملح الخميرة الفورية السكر و الخميرة الكمائية و نخلط المكونات الجافة بالمضرب اليدوي

نحط 1لتر ماء و نبدا نخلط العجينة و بعدها لما تبدا تولي سائلة نبدا نضيف النص لتر ماء بالعقل و نضرب بالميكسور حتى نتحصل على عجينة تشبه عجينة الكريب و نبقا نضرب بالميكسور حوالي 5دقائق بعدها نصفيها و نحطها في إناء و نغطيها و نخليها ترتاح و تخمر حوالي ربع ساعة الى 20 دقيقة

نحط المقلاة الخاصة بالكريب تسخن و نحط فيها كمية من العجينة بالاستعانة بالغراف و نخليها على نار متوسطة حتى تتثقب و تنشف من فوق و تتلون باللون الذهبي من تحت نحيها و نحطها فوق منديل تبرد و نقدمو مدهون بالزبدة و العسل و بصحتكم ان شاء الله جربوه و تنجحو فيه