هننقع الفول بعد ما نغسله كويس لمدة ١٠ ساعات نغير فيهم الماء حوالي مرتين أو ٣

نحطه ف الفوالة ونحط عليه العدس بعد غسله وتصفيته كويس وعليهم اللليمونة زي ما هي والطمطماية متقطعة اربعة ومتقشرة

هندوب الكركم ف الماء المغلية ونحطها فوق المكونات لحد ما توصل لعنق الفوالة ونسيب المسافة دى عشان ما يفورش

هنرفعه على نار عالية ياخذ غلوتين ونخفف عليه شمعة أقل من الأرز ونسيبه خالص ونفتح عليه كل ساعتين نطمن أن ميته تمام لو قلت هنزود ماء مغلية بس أن شاء الله ما نحتجش

هنسيبه لمدة حوالي ٦ ساعات وفي اخر مرحلة ف السوا قبل ما نقفل عليه بساعة هنحط ملعقة الدقيق ونقلب كويس عشان يذوب وماية الفول تلف وتتقل ونحط الملح

هنطفى عليه ونسيبه يبرد خالص وبعدين نحطها في أكياس تلاجة ونشيلة ف الفريزر وبالهنا والشفا