لسلق اللحمة معلقتين الزبدة في حله ونشوح اللحمة حتى يتغير لونها ثم نضيف الماء والبصله المقطعه والطماطم وممكن اضافه كرفس ومكعب مرقه لحم ونسيبها لحد ما اللحمة تستوي خالص

محضر الارز بتاع الفته في حله معلقتين زبدة ونقلب فيهم كوبين الارز كويس ونضيف عليهم كوبين من الشوربه السخنه اللي حضرناها من سلق اللحمة اول ما الشوربه تغلي نبدأ نخفف عليها عشان الرز يستوي كويس

بالصلصه الحمراء في حله نحط معلقتين الزبدة والزيت وعليهم الثوم نشوحه حتى ياخذ لون اصفر ثم نضيف ربع كوب الخل ثم نضيف عصير الطماطم والملح والكمون ونسيب الصلصه تتسبك بعد ما يتسبك نطفي عليها

للعيش نجيب اثنين رغيف بلدي ونقطعه مربعات وبعدين نحط عليه ملعقة طين زبدة بلدي سايحه ونقلبهم كويس مع ملح وكمون وفلفل اسمر ونحطهم تحت الشوايه في الفرن ونبدا نقلبهم كل شويه لحد ما يتحمصوا

عشان نغرف طبق الفته نحط الاول العيش وبعدين نحط عليه شويه شوربة ساخنه من سلق اللحمة ومعلقتين من الصلصه الجاهزناه وبعدين نحط طبقة الارز الابيض وعليهم معلقتين من الشوربه ومعلقتين من الصلصه الحمراء وبعدين نرص اللحمة على وجه الرز ونحط شويه من الصلصه الحمراء وممكن نحط صلصة حمراء جانب الطبق اللي عايز يزود

نحمر اللحمة تجيب معلقتين سمنه بلدي في طاسه وبعدين نقلب فيهم اللحمة حتى تتحمر وبعدين نحط عليها ملح وفلفل اسمر ونرصها فوق طبقة ارز الفته وبالف هنا وشفاء

اتمنى الوصفه تنال اعجابكم وتجربوها والف هنا لكم