वांगी स्वच्छ धुऊन घ्यावे. माझ्याकडे एकच मोठे वांगे होते. त्याच्यामुळे मी एकच घेतले आहेत. आणि त्याला चार-पाच उभ्या चिरा द्याव्या. प्रत्येक चीरीमध्ये सोललेली एक एक लसणाची पाकळी टाकावी.

आता गॅसवर एक जाळी ठेवून त्यावर वांगी चांगले भाजून घ्यावे.

भाजलेले वांगे थंड होऊ द्यावे त्यानंतर त्याला सोलून घ्यावे आणि मॅश करून घ्यावे.

आता मॅश केलेले वांगे एका बाऊलमध्ये घ्यावे. त्यात हिरवी मिरची, चिरलेला पातीचा कांदा, टोमॅटो, कोथिंबीर टाकावी. तिखट, मीठ आणि भाजलेली जिरेपूड टाकावी.

हे चांगले मिक्स करून घ्यावे. आपल्याला चालत असेल तर हे वांग्याचे भरीत तसेच खावे. मी त्याला वरून तडका दिलेला आहे. त्यासाठी तडका पॅनमध्ये तेल टाकून तेल गरम झाल्यावर त्यात जीरे, मोहरी, कढीपत्ता आणि हळद टाकावी.

हा गरम तडका भरिता मध्ये ओतावा आणि मिक्स करून घ्यावे.