كيكة 7 ملاعق
كيكة 7 ملاعق خفيفة و سريعة التحضير لضياف الغفلة ولا قهوة لعشية كامل يحبوها وصفة شكون لي ميعرفهاش تفرجتها ف اليوتيوب عند بزاف قنوات منقدرش ننسب الوصفة لفلان و فلانة
كيكة 7 ملاعق
كيكة 7 ملاعق خفيفة و سريعة التحضير لضياف الغفلة ولا قهوة لعشية كامل يحبوها وصفة شكون لي ميعرفهاش تفرجتها ف اليوتيوب عند بزاف قنوات منقدرش ننسب الوصفة لفلان و فلانة
إفتح في تطبيق كوكبادالخطوات
- 1
في وعاء، نحطوا البيض + قرصة الملح + فانيليا + السكر و نخلط بالخلاط الكهربائي حتى يبياض الخليط و يتضاعف الحجم تاعه + الحليب و الزيت و نخلطوا باش يتجانسوا المكونات + الفرينة و الكاكاوو و الخميرة الكيميائية (لازم ننخلوهم) متكثروش الخلط بالضراب الكهربائي باش ميتعجنش الخليط، نفرغوا الخليط ف صينية الفرن تكون مدهونة بشوية زبدة ولا زيت و مرشوشة بالفرينة و ندخلوها الفرن تطيب اي تستوي على نار متوسطة و فرن مسخن من قبل،
- 2
متفتحوش الفرن عليها باش متهبطش معاكم، و باش تعرفوا اذا طابت ولا لالا جربوا عود أسنان دخلوه و خرجوه اذا خرج ناشف معنتها الكيكة طابت.
- 3
خلوها ترتاح و حضروا الصلصة:
حطوا الحليب + الزيت + السكر + النشاء و خلطوا كلش مع بعض و كي يبدا يثقل الخليط + الشوكولاتة و حركوا حتى تذوب و فرغوها فوق الكيكة و التزيين اختياري لي عندك ف الدار ماشي شرط تكلفي روحك
- 4
هادا هي الصينية لي ندير فيها كيكة 7 ملاعق و مرات نضاعف الكمية و نكبر الصينية
- 5
هادا الارتفاع تاع الكيكة تاعنا و شوفو كيفاش تجي ان شاء الله تجربوها
- 6
و بالصحة و الهنا ان شاء الله
جرّبت هذه الوصفة؟ شارك كوكسناب!
دع الطبّاخ Zohra Hantour يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات