في إناء، نفرغ البيض + السكر + الملح و الفانيليا و نخلط حتى يتضاعف حجم البيض + الزيت تدريجيا مع الخلط المستمر + المايزينة + الخميرة الكيميائية + الفرينة و نخلط باليد حتى نتحصل على عجينة طرية و تلتصق بعض الشئ ف اليد.

نرش سطح العمل بالقليل من الفرينة و نبسط العجينة على سمك 1سم ولا أقل و استعملي قالب (طابع) كبير قطر 8سم ولا 10سم و حطيهم ف صينية مرشوشة بالفرينة.

في وعاء نضع بيضة + ملعقة صغيرة كاكاوو و نخلط جيدا، نطلي كل حبات الكروكي من الفوق بالبيض و نقوم بعمل خطوط أفقية و عمودية بشوكة الأكل للتحصل على وجه جميل (نتي و الذوق تاعك)

دخليهم الفرن مسخن مسبقا و خليهم يدوا التحميرة الشابة (هادي تاني أذواق هههه طاين لي ميحبش قاطو حمر بزاف)

هادا هو الشكل تاعه النهائي، انا خدمت بكيلة صغيرة قطعلي هادي الكمية بالاضافة للحبات لي سرقهملي الزوج تاعي 😑 كي شم ريحتوا و بالصحة و الهنا ان شاء الله. جربوه و رجعولي الخبر...