في حله ع نار هحط زيت زيتون وانزل بالبصل واقلب يبدأ يدبل انزل بالتوابل كزبرة ونعناع و فلفل اسود وورق الغار وكزبره و حبهان وقرفة وقرنفل

اقلب وريحه بتبان احط معلقه كبيرة صلصة وأقلب وبعدين انزل بالفلفل الحار و التوم وأنزل بباقي توابل ملح وماجي وبهارات و كركم وممكن نزود حبه صغيره كمون وكزبره

انا كنت سالقه فراخ بس طبعا انتم ممكن تسلقوها في خليط ده عادي المهم انا مسكت فخد فصل دبوس عن الفخد لانها فخاد كبيرة

و نزلت بالافخاد المسلوقة في حله وخلطتهم بالخليط كويس وبعدين غطيتها بالمايه و نزلت بالليمونة المجففة

خليتهم يغلوا وسيب الافخاد تتشرب من خليط وطلعتها دخلتها الفرن تاخد لون بس انتم ممكن تسيبوها عادي ف كله براحتكم

نزلت بالرز في الحله و زودت شوية ماية علشان رز يتغطى بس الخطوة دي ممكن نستغنى عنها لو كانت مايه ف الحله مكفية

ولما تتشرب اوطي عليها واسيب رز يستوي وبعدين اقدم رز مع فخد في الفرن وبألف هنا ❤️