اول اشي عملــت الطبقة اللي بالوسط لحتى تبرد وتجمد

حطيت الحليب والسكر والنشا وهن باردين وحركتهم مزبوط وحطيتهم على النار لحتى غلوو وبلشو يجمدو حطيت القشطه فوقهم وحركتهم وطفيت تحتهم :)

طبعا بس تطفي تحتهم رح تشوفي طبقه بلشت تبرد اول اشي من فوق بس تتشكل قيميها لانها بتمنع التحت يبرد بضل سخن. ان شالله تكونو فاهمين على ههههههه

تاني اشي البسبوسه بخلط كل المواد تبعونها مع بعض مره وحده وبخلطهم رح يطلع خليت متماسك نوعا ما

هلأ ببــدأ اوزع القشطه من فوق طبعا بتكون بردت وبالمعلقه بوزع شوي شوي وبخليها بشكل مستوي

بعدين ببدأ احط باقي خلطة البسبوسه من فوق كمان بالمعلقه بوزعها وبحاول ما اخليها سميكه كتير لاني بدي اشوي فقط النار فوقها

بشويها على نار خفيفه لحتى تستوي مو تتحمر بسرعه وتكون لسا عجينه من جوا ☺

بكون عملت القطر بغلي السكر و الماء و زدتلو الليمون بس يغلي ♥

وبس اطلعها وهي عم تنشوي اول مرحله لحتى يكون برد وبس اطلعها من الغاز وهي سخنه بشربها قطر وبتركها تبرد