نخلط المارغرين مع السكر الناعم و ماء الزهر و الزيت و الفانيليا و النشاء حتى يندمجوا و نتحصل على كريمة

ثم نضيف السميد و خميرة الحلويات و نواصل الخلط ثم نجمع الخليط بالفرينة حتى نتحصل على عجينة طرية لا تلتصق في اليد

لتحضير الحشو نعجن الغرس (التمر) مع ملعقتين زيت ثم نضيف ماء الزهر على فترات و نواصل العجن حتى نتحصل على عجينة طرية ثم نشكله كريات صغيرة

ثم نضع كيس بلاستيكي في قالب المعمول و نضع فيه الحبة و نغطيها بالكيس و نضغط عليها بالاصبع حتى تأخذ شكل القالب

نأخذ كمية من العجينة نصنع فيها فجوة في الوسط و نضع فيها كرية من الحشو و نغلق عليها جيدا

نضع الحبات في صينية فرن و ندخلهم للفرن يكون مسخن مسبقا على 180 درجة حوالي 15 الى 20 دقيقة حتى تأخذ الحبات لون وردي من الاسفل

و هي ساخنة نرشها بالسكر الناعم باستخدام المصفاة او الصفاية و نتركها في الصينية حتى تبرد