بنسلق ورق العنب بالماء المغلي دقيقتين

بنجهز حشوه الارز بنغسل الارز وبنذبل البصله والثوم واللحمه مع بعض وبنضع ملعقه ملح وقرفة وفلفل اسود وكزبره ناشفه وهيك بتكون جاهزه

بنبرش حبه بندوره على خلطه الارز وبنفرم نعناع ناعم وبقدونس وبضع البهارات والملح والماجي وملعقتين سمنه

بنبلش نلف ورق العنب وبنرصو بطنجره فيها شرحات بندوره وتومه وشرحات ليمون وبنقلل كميه الماء عليها وبنتركها تستوي نصف استواء يعني بدها حوالي نصف ساعة

بعدهيك بنزل الدوالي عن الغاز وبنفردهم على صينيه لحتى يبردو ونقدر نحشيهم بداخل الدجاجه

بعد ما يبردو بنكون بنبلش نحشيهم داخل الدجاجه وبنضع الدجاجه داخل كيس شوي

وبنضع معها راس ثوم مغسول وغير مقشر وبنتركها بالفرن ساعتين زمن لحتى نتاكد انو الدجاج استوى كتير