نخلطو المكونات الجافة مع بعضهم ونزيدو الزيت ومبعد نعجنوها بالحليب ندلكوها شوية ونخلوها ترتاح (العجينة نخلوها قاسحة شوية قيس مانقدرو نحلوها بالحلال)

الحشو اختياري انا درت بصل مقطع صغير قليتو في الزيت زدت طماطم مقطعة وملح وفلفل كحل.كي يبرد الحشو هدا زدت عليه تونة تاع الزيت و شوية زيتون اخضر مقطع وفرماج..

تحلي العجينة تقطعيها دائرية تحطي الحشو في نصف والنصف الاخر تغطي بيه الحشو و طيبيهم في مقلاة سخونة مدهونة بالزيت و نحمرها من الجانبين و بالصحة..