في اناء نخلط السكر والحليب و الخميرة ثم نضيف البيض والزيت والفاني والملح ومبشور البرتقال ونخلط جيدا بالفوي

ثم نضيف 2 كيسان فرينة والخميرة الكيميائية نتحصل على عجينة سائلة

ثم نضيف باقي الفرينة شيئا فشيئا حتى نتحصل على عجينة طرية تتلاصق

نخبط العجينة كيما المطلوع من تحت الى فوق مدة 15د حتى تبياض ندهن الاناء بالزيت ونضع العجينة ونغطيها بكيس بلاستيكي جيدا حتى لا يدخل الهواء ونتركها تخمر

بعد ما تخمر نهبط الخمور ونحل العجينة رقيقة نوزع عليها الزبدة جيدا ونروليها نتحصل على حربوش

نطوي طرفي الحربوش الى الوسط ثم نطوي الطرف اليمين فوق اليسار مغلف العجينة جيدا ونتركها ترتاح مدة 15د

بعد ما ترتاح نحل العجينة على سطح مرشوش بالفرينة بسمك 0.5 مم نرشها بالسكر ونضغط عليه باليد ثم نرش الفارميسال ونرولي العجينة نتحصل على حربوش نقطعه دوائر

وفي صينية نضع ورق الطهي ونحط حبات الپان سويس يتخمرو وندهن الوجه بالبيض مع عطر الكراميل وندخلهم الفرن مسخن مسبقا