العجينة : في إناء نضع الماء و نضيف عليه الخميرة و السكر و زيت و نخلطوهم مليح حتى يذوب السكر بعدها نضيفو عليها 2 كأس من الفرينة و الملح و نخليوها ترتاح مدة 10 دقائق بعد ما تخمر نزيد نضيف عليها الفرينة حتى تولي عجينة متماسكة.

الصلصة: نقطع البصل و الثوم و نحطهم يتقلاو مع الملح و فالفلفل الأسود و الكمون و نضيف عليهم الطماطم بعد ما نكون سكرفجتها و نحط معها الرند و زعيترة و شوية فلفل احمر و نحركها بعد ما طيب نخليها تبرد.

بعد ما تخمر العجينة نحلها بالحلال و ندير دوائر emporte pièces وفي قلب كل دائرة نحط الصلصة و نزينها بزيتون أسود بعد ما نكون قطعتو و شوية تونة و الجبن المبشور و ندخلها للفرن و بعد ما نخرجها نحطلها القليل من المعدنوس لإعطائها نكهة و شهية طيبة للجميع