بسم الله الرحمن الرحيم

نجيب السميد ونحطو بجاط ونضيفلو الزيت والزبدة بس تكون طرية والمستكه والمحلب مطحونين بعدين نخلطهم منيح لحد ما يمتص كل السميد الزبدة والزيت هيك بنكون بسينا وبنغطي ونخلي لتاني يوم

بنجيب السميد المبسوس ونضيفلو حسب الرغبة دقة كعك وكمان شوي حليب بودرة ونص ملعقة صغيرة خميرة وماء دافئ أو حليب سائل دافئ وتقريبا كوب حسب نوع السميد المهم ما نكتر شوي شوي بنضيف ألمي وبنعجن ما نخليها طرية كتير ولا ناشفه بنتركها ترتاح نص ساعة طبعاً مغطيه

اذا العجينه طرية بنضيف رشه طحين واذا جامدة ينحط يجنبنا صحن في حليب او ماء واحنا بنكور وبنشتغل. بنزيد شوي حسب العجين

اذا حابين حشوة فستق بنجيب الفستق وبنطحنو وبنحطلو ملعقة ماء زهر مع شوية قطر وبنقدر نحشي

ينحط الفرن على تقريبا ٢٠٠ ل ٢٢٠ما نخلي حرارتو خفيفه ممكن تنفش وتبلش تصير قاسيه

بنحطو مباشرة على النار وبننتبهلو لانو بسرعة بستوي وبنشوفو من تحت اذا صار ذهبي شوي بنحمرو بس ما نحرقو

بنرش عليه سكر مطحون وصحه وعافيع