بليلة من قبل نأخذ صحن او جفنة ندير 4كيلات دقيق خشن mama و كيلة فرينة مغربلة و قرصة ملح و فانيلا و كيلة زبدة ذايبة نفيضها بحوالي فنجان زيت نبسسها بيدي من بعد نخليها ترتاح للصبح و اذا بسستو الصباح نخدمو فالليل

نصنع الشاربات لانه اذا طيبت المقروط لازم تكون باردة نأخذ 2 كيلة سكر مع 2 ماء نوضعها فوق النار حتى نحسها رايحة تعقد قليلا نعصر عليها حبة قارص (ليمون) و نرمي فيها نصف الحبة المعصزرة و نخليها تبرد

بعدما يبات و لا يضل السميد ديالي نوجد الكاوكاو كما موضح في المقادير 3كيلات مرحية ب 1كيلة سكر عادي و فانيلا و نطم بالعسيلة و شوية ماء الزهر

نبدأ نأخذ السميد بالشوية و نشمخو بماء و ماء الزهر مخلطين بالتساوي و نحربش و نوضع الكاوكاو في الوسط و نرجع نحربش و نزير و ندورو خطرة برك باه يحكم روحو حتى نكمل الكمية

ندخلو للغرن مسخن من قبل انا نطيبو في فور البيتزا عادي حتى يحمر من فوق و من تحت و اذا قعدو الجوانب بيوضة نقدر نقلبهم حتى يحمارو

غير نخرجو من الفرن نديرو في الشاربات بكمية قليلة بثلاثة و لا ربعة هكذاك سخون و نحيه بالخف يعني حوالي 3ثواني فقط و نستفو في مول تع البقلاوة و لا سنيوة تكون غابية شوية و نفرغ عليه العسل عاقد و نكمل كامل بنفس الطريقة انا عملت 20 حبة طابت الاولى فرغت عليها نصف كيلو عسل و ال20حبة الثانية كذلك و نخليه يبات و لا يضل ساعة ساعة نقلبوا على جهة ثانية باه يشرب مليح