عوامة
الوصفة من دفتر نبع الحنان اللي صرلو 1900وخشبة بس المهم انو طلعت طيبة كتير ومقرمشة طبعا انا انحرمت منها لانو اهلي بيفهمو كلمة شيليلي صحن بدون قطر انو غطسين بالقطر لقلك هههه ،طبعا جربو الوصفة وشاركوني تجربتكن ♡♡
عوامة
الوصفة من دفتر نبع الحنان اللي صرلو 1900وخشبة بس المهم انو طلعت طيبة كتير ومقرمشة طبعا انا انحرمت منها لانو اهلي بيفهمو كلمة شيليلي صحن بدون قطر انو غطسين بالقطر لقلك هههه ،طبعا جربو الوصفة وشاركوني تجربتكن ♡♡
الخطوات
- 1
منخل الطحين منيح ومنحطلو البيكينغ باودر والفانيليا والنشا والملح والسكر والخميرة والحليب ومنخلطن منيح
- 2
منضيف المي ومنحرطن منيح شي2د
- 3
منغطي الخليط ومنتركو يتخمر 60دقيقة
- 4
منشغل ع زيت القلي ومنضعف النار
- 5
منقدر نشيل الخليط ب ملعقة بوظة مدورة او ب ملعقة صغيرة طبعا بدنا نلبس كفوف ومنغرف خليط العوامة بايدنا ومنعبي الملعقة ومنزلو بالزيت قبل مايحما ع الاخير وبس تصير الملعقة معباية خليط منغطا ب كاسة مي باردة ومنحركا ومنرجع منشتغل فيها وهيك منضل ننزل الطابات ونحركن ليشقرو كتير منشيلن من الزيت ومتسقطن بالقطر البارد ومنحركن شوي وبعدا منشيلن ومنحط ب صحن
- 6
شي مهم انو الزيت مالازم يكون حامي كتير والنار منخليها ضعيفة مو قوية ومنتأكد انو مانكتر الطابات بالزيت ب كل دفعة كرمال مايلزقو ونحركن من الجهتين منيح ولازم مانحركن ل ينفشو ويفوشو ع سطح الزيت
- 7
في ناس بتحط العجينة ب كيس وبتثقبو وبتنزل العجينة منو
- 8
كمان بتظبط بس بالملعقة بتتحكمي ب شكل الطابات اكتر
- 9
بالاخير هيك طلعو معي المهم لاتخلين كتير بالقطر وصحتين
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
عوامة
عوامة او اللقبمات اكلة حلو كتيييير طيبة وهية بالشتوية. بصراحة انا بحبها تكون بتقرش. بس طلعت مع هشة وطعمها لذيذ اللي بحبها طريةهشة يجريها طبعا الصبايا نصحوني انه عشان تطلع تقرش نقليها مرتين. اول مرة لمن تكون اونها دهبي خفيف. وبعد انتهاء الكمية نرجعها حتى تأ خذ اللون المطلوب
-
-
-
-
-
-
-
-
-
-
-
-
-
-
-
-
-
-
-
-
-
-
-
عوامة مقرمشة ولذيذة 👍😋👍😋
أفضل طريقة لتاخدي عوامة مقرمشةوبتجنن ....ولنجاح العوامة المهم طريقة القلي تكون على مرحلتين لتاخدي قرمشة رائعة جربوها صبايا بدها بهيك جو رائع
-
وصفات ننصحك بمشاهدتها
التعليقات (4)