اولا المرق نضع دجاج مع بصل يتقلاو مليح +ملح +فلفل اسود +زنجبيل شوية قرفة نحمص مليح اومبعد ندير الحميصة ونحمص

ثانيا نحكم اللحم المفروم نضع فيه بصل ملح فلفل اسود شوية قرفة معدنوس (بقدونس) مقطع رقيق شوية زبدة حبة بيض (حسب كمية اللحم) نأخذ كمية من اللحم نعملهم كريات ونقليهم في الزيت بعد ماتكون تحمستلي المرق نضع تلك الكريات داخل المرق ونحمس شوية ونمرق ونخليهم يطيبو والكمية الأخرى نضع لها مغرف شابلور ونتركها

ثالثا نجيب بطاطا حسب كمية العائلة ونقطعها دوائر ونقليها

رابعا نحكم البلا ديالنا ونديرلو بابي فيلم من التحت ونستف البطاطا ديالنا اومبعد نزيد نضع فوقها اللحم المفروم نفرشو مليح ونزيد طبقة بطاطا

بالنسبة لصلصلة نضع وحدة شاف فرماج (جبنة) وشوية حليب ونميكسيهم بالبرا ونضعهم فوق البطاطا وندخللهم للفرن يطيبو ونزيد نشعللهم من الفوق يتحمر مليح

ملاحظة انا استعملت دجاج مرحي عوض عن اللحم المفروم اختياري وكذلك بالنسبة للصلصلة نقدر ندير بيشاميل كبديل

شهية طيبة ونتمنى انو وصفاتي نالو اعجابكم 😍😍👌👌