يخلط البيض والسكر والفانيلا مع بعض على سرعه عاليه لين ينفش

يوضع عليه الحليب والزيت ويخلط

ثم يوضع عليه الطحين المنخول والباكنج باودر ويخلط لين يختفي الطحين بس مانطول بالخلط اول مايختفي نوقف ونكشط الجوانب ونخلط خلطة وحده بس ونوقف

ندهن القالب ونبطنه بورق زبده ونضع الخليط عليه وندخله الفرن على حرارة 180 من تحت لين تستوي ثم تحمير من فوق

اذا موجود عندك السكين الخاص بتقطيع الكيك تسوين الكيك مرتين وتقسمينه كل كيكة قطعتين واذا مو موجود سوي الخليط 3 مرات

الحشوه نخلط دريم ويب والحليب لين ينفش ويصير ثقيل ويغلف ويحط بالثلاجه وكثرو الكميه لان الكيكة بتصير شوي ناشفه

الكيكة اذا خلصت تغلف بالنايلون تغليف بسيط بدون ضغط حتى مايخترب شكلها وتحط بالثلاجه تبرد وتطلع قبل التزيين

الطبقه الاولى 1 نشيل القبه الي مرتفعه بالكيك ونواسيه ونمسك الكريمه الي سويناها ونحطها على الكيك بشكل حلزوني ونصف الفواكه على الاطراف نفس الي موجود بالصوره وبالوسط نحط على شكل قبه مرتفعه شوي من الكيك الي شلناه ونغطيه بكريمه كثيره ونحط الطبقه الثانيه الطريقه هذي تخلي ضغط الطبقه الثانيه يصير على الي بالوسط مايصير على الفواكه

نكرر نفس الطبقه الاولى لين نوصل للأخيره ونغطيها بالكريمه من فوق ونحط شوي من الكيك الزائد الي شلناه على شكل قبه مرتفعه شوي ونغلفها بالكريمه ونزينها بالفواكه وبالعافيه على قلوبكم🧡

الطريقة اخذتها من دورات نوره كيك اسرار بسيطة وتكنيكات سهله تخلي شغلك اجمل من الي تشرينه.