تحطي الفرينة ضيفي عليها السكر والخميرة والملح والزيت والبيضة وتخلطي ومبعد تلمي بشوي بالحليب تتحصلي على عجينة ماهي طرية ماهي يابسة ومبعد نضيف الزبدة المقطعة ونبدا ندخلها في العجينة نتحصل على عجينة ملساء نخليها ترتاح حتى يتضاعف حجمها

بعد ماخمرت العجينة نقسمها الى كويرات نحطهم في بلاطو ومبعد نبسطهم بيدي ندهنهم بالبيض وشوي حليب ونذير الجلجلانية والسينوج اختياري ونخليهم يزيدو يخمرو مليح ندخلهم يطيبو من تحت ومبعد نحمرهم من فوق

الحشو كما تحبي انا درت فرماج فوندو ومبعد فوقو بطاطا مقلية ولحم مفرومشكلتو دوائر وقليتو سلاطة هريسة او كتشوب طماطم وسلاطة ونتي واش عندك في البيت شهية طيبة