في طنجرة نحط اللحم مع الزيت ونقلي ونحط الملح والتوابل ونخلط ثم نحط خليط البصل والطماطم والثوم المرحيين ونقلي جيدا ثم نضيف حبة جزر ونحط الهريسة والطماطم المصبرة ونحط الحمص المنقوع ليلة كاملة في الماء ونخليها تغلي جيدا ثم نقلي بالماء الساخن ونخليها تطيب

من جهة اخرى نغسل الكسكس ونحطو ينشف في كسكاس ثم نفرغو في قصعة ونخليه ينشف مليح وندهنو بالزيت ونحطو يفور وكي يفور نبخو بالماء حتى يطرى ثم نخليه ينشف وندهنو بالزيت للمرة الثانية ونرجعو يفور ثم ندهنو بزبدة البقر ويصبح جاهز

نحط الكسكس في صحن التقديم ونحط الحمص والجريوات ونسقي بالمرق ويقدم بالصحة والهنا