نضرب البيض مع قرصة الملح والسكر حتى يصبح لونه أبيض

نضيف الزيت تدريجيا ونضرب مليح ثم نضيف مبشور الليمون والفانيليا وعلبة الياغورت.

ننخل الكأس الأول تاع الفرينة والخميرة والكاربونات وندخلهم في الخليط مليح ثم نضيف الكأس الثاني، الخليط لازم يكون شوية ثقيل

نأخد مزيج الفواكه الجافة والمعسلة وأيضا حبيبات الشوكولاته، نضيف لهم 2 ملاعق كبار فرينة ونحلهم فيها حتى نشوفهم انفصلوا عن بعضهم كاملين، نغربلهم من الفرينة الزائدة فيهم.

نقسم خليط الموسكوتشو وكذلك الفواكه الجافة إلى 3 أجزاء. ندهن المول بالزيت ونرشو بالفرينة، نفرغ الجزء الأول من الموسكوتشو في المول ونحط عليه جزء من الفواكه الجافة ثم نزيد نفرغ الجزء الثاني من الموسكوتشو والفواكه الجافة وفي الأخير الجزء اللي بقى ونغطيه بالجزء الأخير من الفواكه الجافة

ندخلها الى فرن مسخن مسبقا على 170° من تحت بعدما نشوفوها تحمرت من الحواف نشعل عليها من فوق.

بعدما نخرجوها نقلبوها ونخلوها تبرد، ندهن الوجه بالمربى أو الناباج. من الأحسن تبات قبل ما نقطعها. شهية طيبة 😋👍💖