اول شي نجهز الشيرة لأنها تاخذ وقت شوي، نضيف السكر و الماء و نخليهم على النار حتى يذوب السكر تمامًا. وبعدها نضيف عصرة الليمون و الزيت و الفانيلا و نخليها تقلب قلبة وحده و نطفي عليها عشان ما تثقل.

نجهز الصامولي بعد طحنه نضيف عليه السمن و نقلبهم حتى نحسها تجانست و تقدر تتماسك مع بعض.

نخلط مقادير الحشوة كاملة و نخليها على جنب. طبعاً بدون نار.

في صينية مدهونة بشوي زيت أو سمنه نضيف نص كمية الصامولي و نضغطها بقوة عشان تتماسك، ونضيف عليها الحشوة.

الطبقة اللي فوق تكون باقي كمية الصامولي و نضغطها بخفيييف حتى تغطي كل الحشوة.

ندخلها الفون حار من تحت لمدة ١٠ دقائق و من فوق بس تتحمر، اذا تحبون تجلس أكثر عادي لكن راح تنشف شوي.

نخرجها من الفرن و نقلبها في صحن التقديم و نرش فوقها للزينة فستق و الشيرة و بالعافية 🤤♥️👌🏼