نغسل الكبدة كويس بماء و خل و ليمون و نسيبها تتنقع فيهم شوية و بعدين نشطفها..

ف حلة متوسطة كده نحط نصها ماء و نحط الحبهان و الكرفس و فصين ثوم و ممكن بصلة صغيرة و ملح ياخدو غلوه و بعدين نحط الكبدة و نسيبها تتسلق معاهم
(ملحوظة)
الخطوة دي حلوة اوي بتضيع اي زفارة و بتخلي الكبدة سهلة ف التقطيع و حلوة لكن لو مش عايزين تعملوها عادي خشو على الخطوة الجاية على طول 💖

نقطع الكبدة بعد كده و ف طاسة فيها زيت على النار نحط البصل يتشوح و بعدين الثوم تقليبتين لحد م ريحتة تطلع و بعدين نحط الكبدة و الفلفل.. و ممكن تحطوا الفلفل الاول ياخذ تشويحه عادي مفيش مشكلة ☺️

نضيف الفلفل الأسود و لو محتاجة ملح نحطلها بس خلي بالكوا لأننا حطينا ملح و هي بتتسلق ف الاول.. بس كده و نسيبهم ياخدوا تشويحة مع بعض ٥ دقائق كده و بألف هنا 💖