اول خطوه نقلب النشا مع الماء ونقلب ونضيفهم على النار ونقلب لحد ما يبقى قوام زي مهلبيه او كريمي ونسبها تبرد في جمب لازم تبرد عشان التوميه يبقى قوامها مظبوط

نقطع صدر الدجاج لشرايح رقيقه ونتبلها بملع وفلفل وبهارات مشكله وبابريكا وملعقه ثوم مفروم وليمون او برتقال ممكن نحط زبادي بس لو معندكيش مش مشكله ونسبها في جمب

نغسل الارز ونسيبه في جمب وعليه ميه ونحط حله على النار نحط فيها ملعقه سمن اوزيت ونضيف البصله مقطعة لمكعبات نقلب البصل لحد ما ياخذ لون ذهبي ننزل عليه بالرز بعد ما نصفيه من الماء ونقلبه مع البصل ونصيب رشة كركم رشة كاريو نقلب ونحط الملح والماء ونسيبه على نار عاليه لحد ما يشرب ميتهو بعدين نهدي النار

نحط على النار طاسه فيها زيت على نار عاليه ولما الزيت يسخن ننزل بالفراخ ويفضل تدريجيا يعني نضيف شويه من الفراخ ونقلب وبعدين نضيف تاني وهكذا عشان نحافظ على الطاسه ساخنه لو بردت الطاسه الفراخ هتنزل ميتها وتنشف
نستمر في التشويح لحد ما الفراخ تقفل مسامها او بدأت تستوي نهدي النار للمتوسط ونسبها تكمل سوي

نقطع الخبز وهنا في اختيارين نقطع الخبز لمربعات ونحمره في الزيت او انا بقطع الخبز اربع واحمره وبعدين اكسره ونصفيه من الزيت

اخر خطوه التوميه نحط خليط النشا الي عملناه على النار بعد ما برد في الخلاط ونضيف فصوص الثوم وملح وخل ونضيف شويه ميه ونضرب اضافه الماء على الحسب القوام تضربي في الخلاط لو لقيتي القوام تقيل زياده نزود شويه ميه تاني واحنا بنضرب في الخلاط نضيف الزيت تريجيا لحد ما التومبه تربط معايا وتبقي كريميه ونظبط الملح

نجيب طاجن او صينية عميقه وو نحط طبقة العيش المحمر وعليه طبقة توميه وبعدين طبقة الرز واخر طبقة الفراخ والتوميه الزياده نحطها في طبق بحانب الفتة وتقدم

ملاحظة الافضل اننا نعمل الفته ونقدمها على طول عشان العيش ميرطبش وبرضو الطبقات بتختلف مممن تحطي الرز الاول وبعدين الخبز وعليه الفراخ والتوميه زي ما يعجبك اعملي الطبقات وبرضو الوصفه نسبيه من شخص لاخر يعني انا بفضل حاجات ناس تانيه متفضلهاش عندك الوصفه اتعاملي فيها براحتك مممن تشيلي حاجه مبتحبيهاش وممكن تضيفي حاجه تحبيها اطبخو براحتكم متقيدوش نفسكم ودوقو جربو وشوفو ايه احسن بالنسبالكم اطبخو وانتم مبسوطين وبنفس راضيه هوا دا النفس في الاكل ودا الي بيميز طبيخ عن التاني 😍