الكشري بالياباني !!
الكشري من كوكب اليابان ! جيت لليابان عشان اعمل ماجستير والناس هنا منبهرة بمصر عامة...وقلت هأبهرهم اكتر واعملهم كشري ...وقد كان!!
الكشري بالياباني !!
الكشري من كوكب اليابان ! جيت لليابان عشان اعمل ماجستير والناس هنا منبهرة بمصر عامة...وقلت هأبهرهم اكتر واعملهم كشري ...وقد كان!!
الخطوات
- 1
انقع الحمص و العدس من بالليل...بس مش ازمة لو نسيت :)...الوقت من دهب!!
- 2
اسلق الحمص لمدة ساعة مع(ربع بصلة وفص توم وشوية ملح وفلفل اسود وكمون و لمسة لمون)
- 3
اسلق العدس الاسمر لمدة ساعة مع(نص بصلة وفصين توم وشوية ملح وفلفل اسود وكمون)
- 4
اسلق المكرونة وبعد ما تصفيها من المياه شوحها في شوية زيت علي نار هادية عشان ماتكلكعش ولا تعجن
- 5
صفي الحمص من مياه السلق وحافظ علي المياه ديه عشان تعمل منها الدقة
- 6
صفي العدس وحافظ علي المياه بتاعته عشان تسوي بيها الارز
- 7
في طاسة علي جنب :حمر المكرونة المكسرة (الشعرية الياباني)في شوية زيت لحد ما تاخد لون بني غامق
- 8
اغسل الارز كويس وصفيه من المياه
- 9
تجيب الrice cooker الياباني الجميل وتنزل فيه بالارز والشعرية والعدس الاسمر مع شوية ملح وفلفل اسود وتقلب كويس,وتسقي الخلطة بمياه العدس,وممكن تحتاج تزود حبة مياه عادية....وتسيب الrice cooker يعمل الواجب بتاعه :)
- 10
قطع بصلة شرايح وانزل بيها في الدقيق,واطلع بيها علي طاسة غرقانة زيت عشان تعمل احلي تقلية :)....الدقيق هيخلي البصل مقرمش اكتر...بس اوعي يتحرق منك !!
- 11
دلوقتي جه وقت الصلصة...اهم حاجة في الطبق :)....شوية زيت حلوين تشوح فيهم ربع بصلة متقطعة صغير خالص لحد ما تشم ريحة حلوة...اول ماتشم الريحة تروح نازل بالطماطم وتسيبها تغلي حبة...عقبال ماتغلي تكون قطعت 4 فصوص توم تقطيع صغير خالص وتنزل بيه في طاسة فيها شوية زيت لحد ما تشم ريحة حلوة...اول ما تشم الريحة الحلوة تروح نازل بشوية كسبرة وراهم شويتين خل وتقلب...هتلاقي الطاسة بقي لونها بني...هوب,تروح نازل بالمحتوي كله عالصلصلة اللي بتغلي مع شوية ملح وفلفل اسود وتدي الميكس ده غلوة صغيرة وتطفي...
- 12
كده معاك احلي صلصة...وفاضل الدقة بقي عشان تتسلطن وانت بتاكل :)...الدقة سهلة جدا عامة
- 13
فصين توم تقطعهم صغير او تهرسهم بالهون...بس انا في اليابان بقي ف بقطعهم صغير لانهم هنا معندهمش فكرة اساسا ايه الهون ده :))...المهم تنزل علي التوم بشوية كمون ولمون وكسبرة و شويتين خل وتقلب كويس بالشوكة وتخف الخلطة ديه بمياه الحمص شوية شوية لحد ما تبقي الدقة البريمو :)
- 14
كده معاك (الحمص-المكرونة-الارز بالعدس، التقلية، الصلصة، الدقة) تجيب طبقك الغويط الجميل وتروق نفسك بأحلي Layering technique في الدنيا :)
- 15
بالهنا والشفتشي :)....احب اشكر صاحب "قناة سنة اولي مطبخ" علي الyoutube...واقوله "احنا بنتعلم منك في الغربة يا كبير :)" https://www.youtube.com/user/sana2oulamatba5
وصفات مشابهة
-
-
الكشري
#وصفات_بالارز # التحدي الاول#لـ سندبادوصفة الكشري يعد الارز من مكونات هذا الطبق اللذيذهذي طريقتي لعمل الكشري وكل ٍ على طريقته ان اعجبتكم طريقتي جربوووووووووها
-
-
-
-
-
-
-
الكشري
وصفة الكشري من سفره وطبق راح تلاقوا الطبق في الفديو اللي تحت بصراحه الوصفات اللي بالفديو كل وحده تقول الزود عندي بس يوم صورت كان التصوير مستعجل مااخذ كل طبق حقه في التقديم بس اتمنى الفديو يعجبكم -
-
-
-
-
-
-
الكشري المصري
النهاردة هقدم لكم وصفة الكشري المصري بالطريقة الاصلية بمقادير بسيطه وطريقة سهلة
-
-
الكشري المصري
الكشري من الاطباق الشعبية المصري الواسعة الانتشار فهو يباع في المطاعم و المقاهي و ايضا في العربيات المتجولة و هو طبق غني بالقيمة الغذا ئية لتنوع عناصرة و مكوناتة من العدس البني و الارز والمعكرونة و البصل المكرمل و الحمص و الشعيرية و الطماطم و الثوم في طبق الكشري يحتاج الى الكثير م الخطوات لاعدادة و لان في النهايه نحصل على طعم رائع لطبق الكشري المصري المحبب الينا جميعا.لمشاهدة كيفية عمل طبق الكشري المصري خطوة بخطوة يمكنكم الدخوال على الرابط التالي:https://youtu.be/TAmRHEXtovA
-
-
الكشري مع الكنتاكي
الكشري من أشهر الأكلات الشعبية المصرية وتتكون من المعكرونة والأرز والعدس الأسود والبصل المقلي وصلصة الطماطم أي البندورة الحارة والتقلية،ويعتبر الكشري أكلة منخفضة الكلفة سريعة التحضير
-
الكشري 👌🖤
"اللهم إنا نعوذ بك من أذى الدنيا، وحيرة النفس و تيه الفكر و بكاء القلب و موت الضمير و سوء الخاتمة، اللهم إنا نعوذ بك من حزن تضيق به صدورنا و كل ألم يُرهقنا."🖤🌿#الشيف_الذهبي
-
-
-
-
الكشري المصري
الكشري من الاطباق المشهور في مصر، والتي أصبحت منتشرةً بشكل واسع في مختلف أنحاء الوطن العربيّ، وطريقة إعداد طبق الكشري من الطرق المميّزة والممتعة، وهذا الطبق من الأطباق التي تحتوي على قيمة غذائيّة عالية، لكنّه يحتوي على كميّةٍ كبيرة من السعرات الحراريّة بسبب احتوائه على الزيوت مما يجعله طبقاً دسماً، وغير مناسب للأشخاص الذين يعانون من اضطرابات في الكولسترول، وهو من الأطباق متنوّعة المكوّنات، وقد يستغرق إعداده وقتاً.
-
-
-
الكشري المصري
#كشري#ختامها_السلاممن محبتي ومحبة عائلتي للكشري المصري أصبح الطبق معتمد عندنا وأعده بكمية كبيرة نظراً لحب العائلة للكشري وخصوصاً لازم يفضل لتاني يوم .طبق إقتصادي وجميل ومغذي
-
-
وصفات ننصحك بمشاهدتها
التعليقات (2)