المهم ننزع الشفلور تاعنا من الماء ونحطوه في پلا وين نقدرو نرحوه ولا نقولو نعبزوه ههه بالفورشيطا مليح حتى نكملوه كامل

نجيب حبات البيض نكسرهم فوق الخليط ونزيد الفرماج تاعي ونخلط كل شيء مليح نديرلو الملح شوية برك عينك ميزانك ونخلط مليح ونزيدولو الخبز المرحي تاعنا حوالي زوج مغارف كبار المهم تخلطي وشوفي اذا يخصك تزيديلو القوام تاعو مايجيش ناشف بزاف يولي الخليط يتلم وتقدري تشكليه كريات

نحط يتقلاو على نار متوسطة باش مايتحرقوش تقلبيهم وهوما يتحمرو. وتنحيوهم في پلا

ومن جيهة اخرى نوجدووالطماطم تاعنا نسكرفجوها مع فص ثوم ملح التوابل تاعنا في مقلاة وشوية زيت حتى تتجمر مليح ماجيش ليكيد وماشي ناشفة بزاف. ولا تحبو تقدموها مع المرقة كيما تاع شطيطحة حمص حمراء ولا بيضاء تان يجو بنة ❤️

نحطو الصوص في الصحن ونديكوري بالعجيجات لي قليناها وفي الأخير اللمسة تاع المعدنوس ماتنساوهاش وبالصحة بنينة بنييينة 😋