اضربي البصل في الخلاط جامد اوي. و تعصري البصل في طبق و تاخدي المية بتاعته.

على مية البصل, تحطي الزبادي وشوية خل و كل البهارات بكميات حلوه, حسب كمية البانيه بتاعك.

تقطعي البانيه قطع مربعات صغيره و تحطيه على الخلطه.

على النار شوية زيت عليهم البصل, اللي اخدنا مايته و الفلفل الاخضر. لحد ما تتدبل شوية نحط البانيه و نوطي عليه لحد ما يستوي و يشرب كل الخلطه و يبقى ناشف تماما.

نجهز الثومية : بياض البيض مع الثوم و الخل و الليمون و الملح في خلاط العصير, يضرب جامد و نزود عليه واحده واحده الزيت.

على العيش الصاج، نحط ملعقة ثومية، فوقيها الشاورما، الخيار المخلل و الكاتشب و نلّف العيش لفة دائرية.

على النار طاسه كبيره سخنه، نحط جواها العيش الصاج عشان ينشف ، نقلبه على كل الجوانب.

😋😋 و بألف هنا و شفا. 😋😋

لحد ما القوام يبقى ماسك، و بتدوقي حسب الطعم بتزودي اللي ناقص. و لو القوام خفيف, بتزودي زيت واحده واحده.