للعجين::/ نضع كل مقادير العجينه الناشفه ) ونخلطهم ونضيف الحليب والبيض

هذا الحليب اللي استخدمته نص العلبه ممكن تستبدلوه بالبوني او ابو قوس او اي نوع مشابه

نضيف الماء ونعجن العجينه حتى تصير متماسكه وغير قاسيه

الان نضيف الزبده والسمنه ونعجنها جيدا حتى تختفي الزبده والسمنه

وهنا العجينه صارت جاهزه

نعملها 25 قرص اكبر من حجم البيضه او اكبر شوي (منهم قرصين اخليهم كبار شوي عشان الوجه والقاع للصينيه)

ونغطي العجينه ونخليها تتخمر

نجهز الاغراض قريبه مننا قبل البدأ (طاولة الفرد مع الشوبك / والحبه السودا /والزبده والسمنه نذوبهم مع بعض / والزيت / وسمسم / واقراص العجينه /والصحن الكبير)

لبنت الصحن نحتاج صحن معدن مدور كبير مثل هالشكلين مثلا (يفضل مايكون تيفال)

نحط مسحة زبده بوسط الصحن

ندهن الطاوله بزيت وناخذ اول قرص اللي هو الكبير نضغط عليه باليد ) ونخلي القرص الثاني الكبير للوجه )

وبعدها بالفراده نفردها رقيق

وننقلها للصحن ونساويه على الصحن كامل ونلصق العجينه بحواف الصحن مثل الصوره

ندهنها خفيف بخليط الزبده والسمنه ورشة حبه سودا

ونكرر ها مع كل الاقراص قرص ورا قرص وندهن بين الطبقات خليط الزبده والسمن وحبه سودا

واخر قرص بيكون القرص الكبير الثاني وماندهنه بشي ولا نرشه بشي

نغطي الصحن ونخليه يرتاح ربع ساعه

نخلط صفار البيض مع الحليب او اللبن ونفرك حبات نسكافيه ونخلطهم

وندهن وجه الصحن بالبيض

ويرش بالحبه السودا

والسمسم

وندخلها الفرن حراره متوسطه

ونقطعها مثلثات زي البيتزا

ويفضل تتقدم مع الشاي الحليب (كرك)

وبالعافيه

ومع العسل