اول شي لازم يكون عنا سجقات منظفة منيح.

منخلط الرز مع اللحمة المفرومة والصنوبر والبهارات الي هي (ملح فلفل كمون عصفر هيل مطحون).

بعدين منحشي الرز بالسجقات منحشيها وسط لا كتير ولا قليل ومنربطها منيح بخيط من اولها وخيط من اخرها حتى ما يطلع الرز منها بالطبخ.

عالغاز منحط مي مع (بصلة ورق غار هيل زنجبيل ملح) وبس يغلو منحط السجقات بقلب المي ومنستنى حتى تطلع الزفرة بس تطلع الزفرة منشيلها منيح ومنطبخهن على نار هادية مدة 2 ساعة تقريبا او حتى تستوي وصحتين وعافية.