تنقي اللحم و الخضر، تقسمي حبة البطاطا على اربعة و الشفلور (القرنبيط) قسميه بالحجم لي يساعدك انا نديرو اكثر شوي من البطاطا

تغلي البطاطا والشفلور فالما والملح، انا نحط البطاطا اللولة و بعد عشر دقائق نكمل البروكلي على خاطر هو يطيب, اي يستوي اسرع من البطاطا و من جهة أخرى نحضر المرقة، نحطو الزيت فالقدرة و نحطو اللحم يتقلا مليحو من بعد نزيدو البصل الثوم حتى يتكرملو و نفرغ ملعقة ماء و نضيف التوابل يتقلاو شوي بالماء باش ما يتحرقوش و نملحو و نمرقو بالماء الساخن.

فالوقت لي اطيب فيه المرقة نصفيو البطاطا و البروكلي من الماء و بالاكي على القرنبيط لازم يبقى شكلو مسقم، كسري البيض في صحن ملحيه شوي و حطي الزيت تسخن على نار هادئة

حطي حبات البطاطا فالبيض ومن بعد في الزيت مباشرة ما ديري لا فرينة (طحين او دقيق) لاخبز لا والو لكن كي تهزي برج البطاطا بالملعقة هزي معاها البيض كيما اي مثل في الصورة و ثم بعد قلبيها في الزيت باش تحكم البيض، و نفس العملية للشفلور حتى تكملي

نسيت نقولكم على الدبشة (الكزبرة) او البقدونس كي تمرقو حطوه يطيب, اي يستوي مع الرقة و قدمو الطبق تاعكم بالليمون و مع المطلوع صدقوني راح تحبوها