حطيت الزبدة والسكر ومحيتها مليح حتى ذاب السكر زدت البيض وخلطت مليح درت الفاني والفلان والزيت وخلطتهم مليح مليح

اضفت النشاء والخميرة وبعد لميتها بالفرينة خليها طرية لميها باصابعك فقط وما تعجنيهاش حطيتها في الثلاجة لمدة نص ساعة

فرشت ساشي خشينة رشيتها بالنشاء وحطيت العجينة ورشيتها بالنشاء وعاودت رجعت عليها نصف الساشي وحليتها طبعت بالطابع وحطيتها طيب في فرن مسخن من قبل حتى تحمر من تحت فقط وخرجيها

بعد كملت الطياب خلطت معجون مشمش مع قليل من ماء الزهر وحلوة الترك خلطتهم مليح ولصقت بيهم زوج حبات وبعد حواشي الصابلي في المعجون ورمدتهم في كاوكاو (فول سوداني) مرحي وزينت بالشوكولاته

نتمنى تعجبكم الوصفة جربوها وما تندموش يجي خفيف بنين وهشوش روعة 😇😇😇😇