أول حاجة نشمخ اللوبيا تاعي في ماء فيه مغرف صغيرة بيكاربوناث ونخليها ليلة كاملة

في النهار الثاني نسيح الماء لي شمخت فيه اللوبيا ونشللها ونحط عليها ماء جديد ونحطها على النهار طيب (الماء يكون بزاف)

في الوقت لي طيب فيه اللوبيا نوجد المرق لي هو نحطو الدجاج يتقلا في الزيت من بعد نحطو عليها البصل مرابي والطماطم ونزيدو عليهم الملح والفلفل اسود والكمون نخلوهم يتقلاو ونحطو عليهم ربع فصوص ثوم مرحيين وكي يتقلاو نزيدو نص مغرف كبيرة طماطم مصبرة عشر دقائق هكيك نحطو عليهم كاس ماء ونغلقو عليهم البرمة تاعنا

بعد ما طيبنا اللوبيا في ماها ومارايحاش طوللكم لانو بيتناها في البيكاربوناث نحطوها كيما اي مثل راها بالماء تاعها في لاصوص ونحطوللها راس فلفل حار ونخلوها تتقال شوي ونطفي عليها تجيكم تشهي وبالصحة والراحة.