أسرار الكبدة الاسكندراني وتحدي 😉
الخطوات
- 1
أولا كده لازم تعرفي ان الكبدة مابتتغسلش ولا بمية ولا بليمون ولاخل ولا بالعفريت الازرق جربى بس المرة دى من غير اي حاجة قبل التتبيلة وفعلا هتلاحظى الفرق مهما شميتى فيها مش هتلاقى لها ريحة بإذن الله وأول سر من أسرار الكبدة الاسكندراني هي التقطيعة هتحطيها في الفريزر لحد ماتمسك نفسها وبسكينة حادة اقطعيها شرايح وبعدين اقطعى الشرايح لقطع صغننة
- 2
ثاني سر من الأسرار هي التتبيلة هتحطى عليها ملعقة كبيرة ثوم مفروم و2 حبة فلفل مفروم ولو دقيتى الثوم والفلفل في الهون يبقى احلى ولو معندكيش يبقى تضربيهم في الكبة وعليهم هتحطى معلقتين خل وربع كباية من عصير الليمون ونص ملعقة الكزبرة وسيبيهم شوية في التلاجةهى بتتبل بسرعة يعنى ممكن تشتغلى فيها بعد ربع ساعة وماتضيفيش الكمون
- 3
باقي التتبيلة مع الكمون اخلطيهم مع بعض وحطيهم على جمب
- 4
السر اللي بعد كده انك بتستعملى جريل وتكونى مسخناه جداً تقدرى تروحى لأى حداد يعملهالك هتكون ارخص بكتير بس اتأكدى انها حديد زهر وبتاعتى سمكها مش كبير بس روعة في تسوية الحواوشى والكبدة واى مشويات بكل انواعها ومساحتها 35سم ×35سم
- 5
والسر اللي بعد كده هي استخدامك للدهن الحيوانى يعنى لو عندك لية خروف أو دهن اللحمة البقرى المهم ان ده اللي بيديها طعم خرافى
- 6
هتنزلى الاول بالكلاوى والقلب وتفرقى القطع بعيد عن بعض وماتكتريش الكمية علشان ماتنزلش ميتها وتنشف وماتقلبيش على طول استنى دقيقتين وابدأى قلبى ولما تلاقى القطع بطلت تطلع دم يبقى بدأت تدخل في التسوية هتقومى تحطيها على جمب او ترفعيها على طبق وتنزلى برده بالكبدة وتعملى زي ماعملنا مع الكلاوى والقلب واول ماتلاقى ان الدم بطل يظهر على القطع هنا ضيفي شرايح الفلفل الاخضر والكلاوى والقلب واحسبى 5 دقائق بالظبط مع استمرار التقليب وتقومى تضيفى باقي التتبيلة وهنا تضيفى الكمون وتقفلى فورا
- 7
تقدرى تزودى كمان كمية عصير الليمون هي بتحب الليمون جداً وقدميها مع الطحينة والعيش البلدي والسلطة وبالهنا والشفا
- 8
وعلى سبيل الجمال ابنى اكتشف ان الطماطم شكل القلب سبحان الله
- 9
اصدقائى اللي بيسألوا عن الجريل انا اشتريتها من راجل حداد اللي بيعمل الابواب والشبابيك الفورجيه وجبتها 35 سم × 35 سم علشان تبقى مساحة الشغل عليها كبيرة وبالنسبة لتنضيفها اول ماتجيبيها هتديها دهنة زيت محترمة وتحرقيها على النار وتمسحيها بمناديل وتسيبيها تهدى وتكررى الحكاية دى كذا مرة وممكن تمسحيها بروز مارى او اي اعشاب بدل المناديل علشان كل ماتسخن تديكى ريحة حلوة مش ريحة حرق زيت
- 10
طب ليه بنحرقها اولا علشان تحميها من الصدأ لان ده حديد سهل الصدأ وعلشان تعملى طبقة عازلة عليها لانها مش بتتغسل نهائى انتى قبل كل استعمال هتسخنيها وترشيها بزيت وبعدين تمسحى الزيت ده بمناديل وترجعى تحطى زيتك العادي بتاع الوصفة وبعد مابتخلصى برده بتحطياها زيت وبسكينة حادة زي بتاعة الهريسة تحكى الطبقة اللي فوق وتمسحى بمناديل وتكررى لحد ماتنضف وتشيليها بعيد عن الماء
وصفات مشابهة
-
-
-
-
-
كبدة اسكندراني
اطعم كبدة اسكندراني تتاكل من ايدي بفضل اللهجربوها بطريقتي اطعم من اطعم كبدة في الشارع وريحتها بتجيب آخر الشارع وتحدي 😄
-
كبدة اسكندراني 😋😋
#طبخات_عائلتياولا الكبده مبتتغسلش عشان بس نبقى متفقين 😁👍انا من عشاق الكبده وكلمتى المشهوره لو حد سالنى نطلب اودرد اكل ايه اقولهم "اي حاجه كبده"الكبدة دى مزاج مش اي حد يعرف يظبطها مع انها سهله اويحبوها بس هتلاقوها تطلع احلى حاجهاكبر مشكله بواجهها حاليا مع الكبده ان بره مصر نادرا اما بلاقى حد اسكندراني شغال في جزاره اي ماركت ومحدش بيكون عارف ازاى التقطيعه بتاعتها وطبعا بضطر انى اعيد تقطيعها بنفسى في البيت 😭😭
-
-
-
-
-
-
-
-
كبدة إسكندراني
من أجمل وصفات الكبدة المفضلة لدي الجميع والتي تتميز بها محافظة الإسكندرية علي وجه الخصوص ويقدمها الكثير من المطاعم في أنحاء الجمهوريه
-
-
-
-
-
-
حمسة كبدة خروف العيد (كبدة إسكندراني)
#مريولي_باسمي عيدكم مبارك وتقبل الله منا ومنكم صالح الأعمال
-
كبده اسكندراني
كبده اسكندراني على أصولها من الاكلات المصرية الشعبية هقولكم الوصفة و #سر_النكهة #نكهة_عربية
-
-
-
-
-
-
-
كبده اسكندراني متشوحة حكايه
ان اصبر على الاكل شويه وماتطفيش النار على طول اسيبه ياخذ راحته ويطلع في النهايه تحفه 😉
-
وصفات ننصحك بمشاهدتها
التعليقات (19)