افرمي كل التوابل والبصل والثوم والطماطم في الكابة وتبلي بيها البطه من برا وجوا وسببها لييييييله كامله في الثلاجة

وتاني يوم تطلعيها وتجيبي كيس حراري وتعفريه بالدقيق علشان الاكل مايلزقش فيه وتدهني وجه البطه بالصلصه الجاهزه ورشة فلفل اسود فوق الصلصة ومعلقة سمنه وتدعكيها من فوق وتحت

وتدخليها في الكيس وتقفلي الكيس بالقفل بتاعو اللي جاي معاه وتعملي في الكيس ببوز السكينه خمس أو ست فتحات علشان الكيس مايتفجرش وتحطيها في صينية فيها ماء وتكون ماء ساخنه جداً

وشغلي الفرن من فوق نار متوسطة وتحت على نار عالية

وحسب حجم البطة ووزنها بتكون مدة الطهي كل ما كانت البطه تقيله كل ما كان وقت طهيها كبير