اولا نضع في ربع لتر ماء الخميرة والسكر وثلاث ملاعق كبار فرينة نخلطهم مليح نحطهم يتفاعلو ومن جهة أخرى نضع الملح وخميرة الحلويات والياغورت والزيت نخلطهم ونضيف مزيج الخميرة ونخلطو المكونات

نخلط حتى تتماسك العجينة واذا جات جارية نضيف الفرينة نعجن مليح لمدة 5دقايق حتى تولي ملساء ونحطها تخمر في وعاء حتى يتضاعف حجمها

بعد الاختمار نقسم العجينة الى اربع اقسام نحكم قسم نطرحو ونحطو في بلاطو ندخلو للفرن يطيب نصف طياب برك ونخرجو ومن جهة أخرى الصلصة راهي طيب مع المكونات كي تكمل نرحيوها

نتبل اللحم ونحطو فالمقلة يطيب وبعد ذلك نقصو بشكل هذا

بعد ما طيب العجينة نصف طياب نقصو بشكل هلال نديرلها الصلصة والفرماج والزيتون الأخضر والكورنيشون ونشعللها الفور من فوق 5دقايق ونخرجوها ونضيفولها مايونيز

بعد ما طابت قصيتها واضفتلها المايونيز والهريسة 😋