نحط السميد والماء والملح نبلهم م ونعجن مليح ونشكلها كرات متوسطين يعني مكبار مصغار

نرش طاولة العمل بالسميد ونفرص الكرة لي شكلناها رقيقة كيما اي مثل في الصورة ونرش فوقها السميد ونلف العجينة على شكل حربوش

وبعدما نلفوها نجيبو سكين ونقصو هذاك الحربوش قطع رقيقة يخرج شكل يشبه لرشتة نوعا ما وفي هاذ الوقت نكون حضرنا المرق وبعد يغلى المرق مباشرة نرمي المقرطفة عينك ميزانك يعني ترمي حسب كمية المرق تاعك وهي بطبيعة الحال را تتنفخ ارميها تغلى شويا ونطفي عليها والبصحة والهناء