اولا المكونات يجب ان تكون بدرجة حرارة الغرفة و نبدأ بالكراميل في طاسة صغيرة نحط السكر والماء ونسيبهم على نار هادية ونقلب بسيط لحد ما يبقى لون ذهبي بعدين نضيفه في صينية الومنيوم مقاس ٢٤ أو ٢٥

نبدأ الطبقة الثانية في الخلاط نضيف اللبن والبيض و الفانيليا و اللبن البودرة والسكر ونضرب كويس اووي ثم نضيف الخليط في الصينية فوق طبقة الكراميل

الطبقة الثالثة نحط البيض والفانيليا والسكر ونضرب كويس بالمضرب بعدين نضيف اللبن ثم الزيت ونخلط جيدا ثم نضيف الدقيق والكاكاو والبودر ونخلط كويس ونضيف الطبقة في الصينية ومن غير تقليب أو اي حاجة هنحط الصينية في صينية أكبر منها فيها ماية سخنة لحد النصف بعدين نضيف صينية الكيكة وتدخل فرن مشغل مسبقا ع درجة حرارة ١٨٠ سخن مسبقا لمدة ٤٥ دقيقة أو ساعة ونطلعها اول ما تبرد نحطها في التلاجة لمدة ٤ ساعات اول ما نخرجها نحط الصينية تاني في صينية أكبر فيها ماية سخنة لمدة ٥ دقايق بعدين نقلب الكيكة و بالف هنا وشفااا